मकवानपुर चित्लाङबाट मार्खुहुँदै कुलेखानीबाट हेटौंडा तथा काठमाण्डौ संचालन हुने सवारी साधन चारदिनदेखि संचालन हुन सकेको छैन ।
इन्द्रसरोवर गाउँपालिका वडा नम्बर १ सिम्लाङदेखि करिब २ किलोमीटर पर थाहा नगरपालिका वडा नम्बर ९ को बाबियोभिरमा पहरो गएपछि कुन्छाल कुलेखानी सडक शुक्रबार रातीबाट अवरुद्ध भएको हो । पहिरो गएको क्षेत्र थाहा नगरपालिका वडा नम्बर ९ र इन्द्रसरोवर गाउँपालिकाका बासिन्दासंग बढि सरोकार राख्ने उक्त सडकमा झरेको पहिरो पन्छाउन कसैले चासो दिएका छैनन् ।
सडक अवरुद्ध हुँदा छोटो बाटोबाट हेटौंडा तथा काठमाण्डौ जान नसकिने भएको छ भने कृषि उपज बजारसम्म पु¥याउनको लागि किसानहरुलाई समस्या भएको स्थानीय कृषकहरुले बताएकाछन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
