मकवानपुर थाहा नगरपालिकामा खानेपानी तथा सरसफाई उपभोक्ता संस्थाहरुको प्रथम नगर भेलाबाट निरञ्जन श्रेष्ठ अध्यक्षमा चयन भएका छन् ।
थाहा नगरपालिकाको थानाबजारमा भएको भेलाबाट श्रेष्ठ अध्यक्षमा चयन भएका हुन् । उनी पालुङ शहर खानेपानी उपभोक्ता समितिकोे अध्यक्ष समेत हुन् ।
थाहा नगरपालिकाका नगर प्रमुख लवशेर विष्टको प्रमुख आतिथ्यमा भएको कार्यक्रममा खानेपानी तथा सरसफाई उपभोक्ता महासंघका नेपाल (फेडवासन) का राष्ट्रिय अध्यक्ष राजेन्द्र अर्यालको विशेष आतिथ्यता रहेको थियो । खानेपानी तथा सरसफाई उपभोक्ता महासंघका नेपाल मकवानपुर शाखाको आयोजनामा भएको कार्यक्रमको सहकार्य थाहा नगरपालिकाले गरेको थियो । कार्यक्रममा जिल्ला सदस्य गौतम बुद्ध लामा, नेकपा थाहा नगर कमिटिका अध्यक्ष अरुण रायमाझी, थाहा नगरपालिकाका सूचना अधिकारी सुरजकुमार भुजेललगायतकाको आतिथ्यता रहेको थियो ।
कार्यक्रम खानेपानी तथा सरसफाई उपभोक्ता महासंघका नेपालका मकवानपुरका सचिव सचिव कृष्ण बहादुर राईको सभाध्यक्षतामा भएको थियो । कार्यक्रमका वक्ताहरुले खानेपानी तथा सरसफाई उपभोक्ता महासंघका नेपालले उपभोक्ताहरुको हितमा गर्नुपर्ने बताएका थिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
