विजया दशमी, दीपावली र छठ पर्वको समेत अवसर पारेर मकवानपुरको थाहानगर उद्योग वाणिज्य संघले १७ असोज शुभकामना आदानप्रदान तथा चियापान कार्यक्रम आयोजना गरेको छ ।
संघकै सभाहलमा आयोजित कार्यक्रम संघ अध्यक्ष कविराज खत्रीको अध्यक्षता र थाहा नगरपालिकाका उपप्रमुख खड्गबहादुर गोपालीको प्रमुख आतिथ्यतामा सम्पन्न भएको हो । कार्यक्रममा नेकपा नेताहरु विष्णु विष्ट आदर्श, राजु नापित, लक्ष्मण विष्ट, अरुण रायमाझी, नेपाली काँग्रेस नगर उपसभापति भरत गोपाली, मालपोत कार्यालय शिखरकोटका प्रमुख विष्णु महत, थाहा नगर उद्योग वाणिज्य संघका महासचिब सुरेन्द्रमान प्रधान, महिला उद्यमी विकास समिति सभापति आरति श्रेष्ठ लगायतले शुभकामना मन्तव्य व्यक्त गरेका थिए । शुभकामना मन्तव्यको क्रममा वक्ताहरुले दशैंलाई भड्किलो नबनाई स्वस्थ र मितव्ययी बनाउनु पर्नेमा जोड दिएका थिए ।
शुभकामना आदानप्रदान कार्यक्रममा राजनीतिक दल, संघसंस्था, उद्योगी व्यवसायी लगायतको उपस्थिति रहेको थियो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
