थाहानगर उद्योग वाणिज्य संघले विजया दशमी २०७५ को अवसरमा शुभकामना आर्दान प्रदान कार्यक्रम गरेको छ । यहि १० कार्तिकदेखि १८ सम्म आयोजना थाहा महोत्सवको जानकारी सहित इन्द्रायणी चौरमा कार्यक्रम आयोजना गरेको हो ।
थाहा नगरपालिकाका नगर प्रमुख लवशेर विष्टको प्रमुख आतिथ्यमा भएको कार्यक्रममा नगर उपप्रमुख खड्ग गोपालीको विशेष आतिथ्य रहेको थियो । कार्यक्रममा थाहानगरका विभिन्न संघसंस्था, वडा अध्यक्षहरु, उद्योगी व्यवशायी तथा राजनीतिकहरुका प्रमुखहरुको उपस्थिती रहेको थियो ।
थाहानगर उद्योग वाणिज्य संघका अध्यक्ष कविराज खत्रीको सभाध्यक्षतामा भएको कार्यक्रममा महोत्सव संचालन स्थल इन्द्रायणी माईको मन्दिरमा क्षमा पुजा समेत गरिएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
