कोरोना भाइरस रोकथाम तथा नियन्त्रणका क्रममा भएको लकडाउनका कारण देशैभर राहत वितरण गरिरहेको सन्दर्भमा मकवानपुरको थाहानगरमा भने नयाँ अभ्यास शुरु भएको छ । लकडाउनका कारण दैनिक कामकाज नपाएर छाक बसेकालाई नगरपालिकाले नै काम दिने भएको छ । दिनभरी काम गरेपछि काम गर्नेले पाँचसय रुपियाँ र नौ किलो चामल पाउनेछन् ।
नगरपालिकाले राहत वितरण सम्बन्धी कार्यविधि नै बनाएर यस्तो शुरु गरेको हो । ‘वडा कार्यालयको सिफारिसमा श्रमदानमा आधारित योजनामा राहत आवश्यक पर्नेले काम गर्नेछन्, नगर प्रमुख लवशेर विष्टले भने– अपाङ्ग, ज्येष्ठ नागरिक, बालबालिका भएका परिवारलाई कार्यविधिले तोकेको मापदण्ड अनुसारको राहत घरैमा पु¥याउने व्यवस्था गरेका छौं ।’
थाहानगरमा अन्यत्रबाट आई दैनिक ज्यालादारी गरी गुजारा गरिरहेकाहरुलाई पनि काम दिने नगरपालिकाले जनाएको छ । यसका लागि अहिले वडा कार्यालयमार्फत विवरण तयार गरी कार्य प्रारम्भ भैसकेको छ । थाहानगरमा अहिलेसम्म मकवानपुरमै सबैभन्दा कम एकसय ४२ जनालाई राहत वितरण गरिएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
