मकवानपुर थाहा नगरपालिकामा गरिब घरपरिवार पहिचान तथा गरिव परिचयपत्र वितरणका लागि तथ्याङ्क संकलन शुरु भएको छ । भूमि व्यवस्था, सहकारी तथा गरिबी निवारण मन्त्रालयको सहयोगमा तथ्याङ्क संकलन शुरु भएको प्रमुख प्रशासकीय अधिकृत हरिलाल पुरीले जानकारी दिए ।
जिल्लाका दशवटै स्थानीय तहमा कार्यक्रम सञ्चालनका लागि तथ्याङ्क संकलनको काम भैरहेको जिल्ला समन्वय समिति मकवानपुरले जनाएको छ । थाहा नगरपालिकामा एकजना सुपरीवेक्षक सहित नौ जना गणकहरु खटिएका छन् । उनीहरुलाई पाँचदिन प्रशिक्षण गराई कार्यक्षेत्रमा खटाइएको थाहा नगरपालिकाले जनाएको छ ।
यसैबीच घरघरमा विवरण संकलनका लागि खटिएका गणकहरुलाई सत्य तथ्य सूचना उपलब्ध गराउन नगर प्रमुख लवशेर विष्टले नगरबासीहरुलाई आग्रह गरेका छन् । विकासको सूचक निर्धारणमा समेत यस तथ्याङ्कले मद्दत गर्ने बताउँदै सही सूचना दिए योजना तर्जुमाको लागि महत्वपूर्ण सहयोग मिल्ने बताए ।
पढ्नुहोस सूचना:
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
