पर्यटकीय नगरी थाहामा प्यारग्लाइडिङको परीक्षण उडान सफल भएको छ । मकवानपुर थाहा नगरपालिका वडा नं. १० विसिङ्खेलमा रहेको आइतबारे चौरबाट गरिएको उडान सफल भएको प्याराग्लाडिङक प्रवद्र्धक तथा पर्यटन व्यवशायी बैकुण्ठ थापाले जानकारी दिए । विसिङ्खेलमा पाइलट सागर क्षेत्रीले प्याराग्लाइडिङ उडाएका थिए ।
थाहा नगरपालिका वडा नं. १० का थापा काठमाण्डौंमा बसेर पर्यटन प्रवद्र्धनको क्षेत्रमा क्रियाशील रहेका छन् । थापाके नेतृत्वमा विसिङ्खेलमा प्याराग्लाडिङ परीक्षण उडान गरिएको हो । परीक्षण उडानका क्रममा युक्रेनका पर्यटन व्यवशायी आन्द्रे सहित १० नम्बर वडा अध्यक्ष हिरा बहादुर गमाल, सदस्य रामकृष्ण गमाल तथा स्थानीयहरुकाहे उपस्थिती रहेको थियो ।
पर्यक्षण उडानपछि काठमाण्डौंबाट नजिकै रहेको विसिङखेलमा व्यवशायिक रुपमै प्याराग्लाइडिङ उडाउन सकिने थापाले जानकारी दिए । यसका लागि पर्यटन तथा नागरिक उडड्यन मन्त्रालय मार्फत प्रक्रिया थालिने प्रतिक्रिया दिए । प्याराग्लाइडिङको सफल परीक्षणसंगै मकवानपुरको पर्यटकीय क्षेत्र, आग्रा, टिष्टुङ, दामन, पालुङ, बज्रवाराही जस्तै चित्लाङको विसिङ्खेल पनि पर्यटकीय क्षेत्रको रुपमा रहेको परिचय सार्वजनिक भएको उनले बताए ।
यसैबीच थाहा नगरपालिकाकाको वडा नं. २ कुटीप्वाकलबाट पनि यसअघि प्याराग्लाइडिङ गर्न सकिने प्रारम्भिक प्रतिवेदन सार्वजनिक भैसकेको छ ।
हेर्नुहोस् भिडियो ।
विष्ट, थाहा टाइम्स डटकममा आवद्ध फोटो पत्रकार हुन् ।
