मकवानपुर थाहा नगरपालिका वडा नं. १० मा एक दिने अगुवा कृषक घुम्ती तालीम सम्पन्न भएको छ ।
वन विज्ञान विश्व विद्यालय अनुसन्धान तथा प्रसार निर्देशनालय कृषि विज्ञान केन्द्र थाहा नगरपालिका ओखबजार बजारको आयोजनामा १० चैत्रमा चित्लाङको विसिङ्खेलमा तालिम सम्पन्न भएको हो ।
तालिममा १० नम्बर वडाका २५ जना अगुवा कृषकहरुको सहभागिता रहेको थियो । ट्रेमा नर्सरी क्याड उत्पादन सम्बन्धी सो तालिमको सहजीकरण कृषि वन विज्ञान विश्व विद्यालय अनुसन्धान तथा प्रसार निर्देशनालय कृषि विज्ञान केन्द्र थाहा नगरपालिका ओखबजार बजारकी कृषि प्राविधिक संगिता कार्कीले गरेकी थिइन् । कृषि विज्ञान केन्द्रले चालु आर्थिक वर्षमा थाहानगरको १२ वटै वडामा यस मिसिमको तालिम संचालन गर्ने जनाएको छ ।
कार्यक्रममा थाहा नगरपालिकाकी कृषि प्राविधिक कमला सुवेदी, आइपीएम प्रशिक्षक कर्ण गोपालीलगायतकाको समेत उपस्थिती रहेको थियो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
