वर्षैपिच्छे हिउँ पर्दा उपभोक्ता ठगिएको गुनासो आइरहेको भन्दै थाहा नगरपालिकाले १६ फागुनमा बजार अनुमगन गरेको छ । नगर उपप्रमुख तथा उपभोक्ता हित संरक्षण समितिका संयोजक खड्ग गोपालीको नेतृत्वमा बजार अनुगमन गरिएको हो ।
थाहा नगरको पर्यटकीय क्षेत्र दामन सिमभन्ज्याङ क्षेत्रमा बजार अनुगमन गरिएको हो । अनुगमनमा गोपाली सहित नगरपालिकाका बजार अनुगमन समितिका अनिल लामिछाने, थाहानगर उद्योग वाणिज्य संघका भरत गोपाली, इलाका प्रहरी कार्यालयका प्रतिनीधि लगायत सहभागी थिए ।
अहिले दामन सिमभनज्याङ क्षेत्रमा रहका पसलहरुमा मूल्यसूची राखिएको छ । मूल्यसूची नराख्दा ग्राहकहरु ठगिएको गुनासोपछि नगरपालिकाको पहलमा मूल्यसूची राखिएको हो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
