साहसिक पर्यटनको एक माध्यम प्याराग्लाइडिङका लागि थाहा नगरपालिका वडा नम्बर १२ टिष्टुङमा इजाजत पाएको छ ।
नेपाल नागरिक उड्डयन प्राधिकरणका अनुसार मकवानपुरको टिस्टुङमा प्याराग्लाइडिङ जोन स्थापना गरिएको छ । थाहा नगरपालिका वडा नं. १२ मा टिष्टुङ प्याराग्लाइडिङ प्रालिले यो खेल सञ्चालन गर्न अनुमति पाएसंगै जोन स्थापना भएको हो । टिष्टुङमा उडेको प्याराग्लाइडिङले अधिकतम् ५ हजार फिटसम्म मात्र उचाई लिन सक्ने भएको छ ।
त्यस्तै ‘सूर्यचौर–शिवपुरी–नुवाकोट’ क्षेत्रमा पनि अर्को एक प्याराग्लाइडिङ जोन थपिएको छ । प्राधिकरणका अनुसार यी क्षेत्र तोकिएको ‘प्याराग्लाइडिङ जोन’ उपयोग भने २७ फेब्रुअरीबाट मात्र गर्न पाइने भएको छ । यहाँ नेपाल प्याराग्लाइडिङ प्रालिले प्याराग्लाइडिङ उडाउने गरी अनुमति लिएको हो ।
यस क्षेत्रमा अधिकतम् ६ हजार ५ सय फिटसम्मको उचाईसम्म उडान गर्न सक्ने गरी उक्त कम्पनीले अनुमति पाएको हो । केही महिना अगाडि संखुवासभाको खाँदबारीमा प्याराग्लाइडिङ जोन स्थापना भएको थियो । खाँदबारी ५, रमिते डाँडामा यस्तो क्षेत्र तोकिएको थियो । केही समय अगाडी पोखरामा मात्र सिमित यो साहसिक खेल पछिल्लो समय देशभर बिस्तार हुने क्रममा रहेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
