मकवानपुर थाहानगरमा नगर अस्पतालकै रुपमा विकास भइरहेको पालुङ प्राथमिक स्वास्थ्य केन्द्रकी डा. मोनिस्मा मल्ल बिदाइ गरिएको छ ।
ललितपुरको कुपण्डोलकी स्थायी बासीन्दा मल्ल गत २०७४ साल चैतदेखि पालुङ प्राथमिक स्वास्थ्य केन्द्रमा कार्यरत थिइन् । उनलाई ८ चैत्रमा एक कार्यक्रमको आयोजना गरी व्यवस्थापन समितिले विदाइ गरेको हो । कार्यक्रममा डाक्टर मल्लले थाहानगरमा पु¥याउनु भएको योगदानको चर्चा गरिएको थियो ।
एक वर्षदेखि कार्यरत मल्ल भक्तपुर सरुवा भए पछि उनलाई औपचारिक विदाइ गरिएको हो । विदाइ कार्यक्रममा व्यवस्थापन समितिका अध्यक्ष दिपक सिं लामा, उपाध्यक्ष राजिव स्याङ्तान सदस्यहरु उर्मिला गोपाली, अनिल विष्ट, सकुन्तला गोपाली, स्वास्थ्य केन्द्रका स्वास्थ्यकर्मी तथा कर्मचारीहरुको उपस्थिति रहेको थियो ।
प्राथमिक स्वास्थ्य केन्द्रमा अब चारजना डाक्टर रहेका छन् । थाहानगरमा नौ वटा स्वास्थ्य संस्थाहरु रहेका छन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
