मकवानपुर थाहा नगरपालिकाा वडा नम्बर ११ का वडा अध्यक्ष किरणमान बलले आफ्नो जन्मदिन वडाका टुहुरा बालबालिकासंग मनाएका छन् ।
अध्यक्ष बलको १० भाद्रमा परेको जन्म दिनको अवसरमा वडाका २५ टुहुरा बालबालिकाको लागि विद्यालय पोशाक वितरण गरेर बनाएका हुन् । जन्मदिनको अवसरमा बालबालिकाहरुलाई वडा कार्यालयमै बोलाएर एक समोराहेकाबीच विद्यालय पोशाक वितरण गरेका हुन् । जन्मदिनको अवसरमा अन्य फजुल खर्च गर्नुभन्दा बालबालिकाको लागि सहयोग गरेको अध्यक्ष बलले प्रतिक्रिया दिए । बालबालिकालाई विद्यालय पोशाक वितरण गर्नु पहिले वडाका टुहुरा बालबालिकाको तथ्याङ्क लिइएको थियो ।
सामाजिक क्षेत्रमा क्रियाशील अध्यक्ष बलको जन्मदिनको अवसरमा वडा कार्यालयमा बागेश्वरी माविका प्रधानाध्यापक वीरमान स्याङ्तान तथा स्थानीय संघसंस्थाका पदाअधिकारीहरु तथा बालबालिकाहरुको उल्लेख्य सहभागिता रहेको थियो । अध्यक्ष बलले आफ्नो जन्म दिनको अवसरमा वर्षेनी सामाजिक कार्य गर्दै आएका छन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
