मकवानपुरको थाहा नगरपालिकाका दुईजना लागू औषध गाँजा सहित काठमाण्डौंमा पक्राउ परेका छन् । थाहा–१ घर भई काठमाडौं चन्द्रागिरी नगरपालिका–११ गुर्जुधारा डेरा गरी बस्ने २६ वर्षीय सुर्यबहादुर थिङलाई प्रहरीले पक्राउ गरेको छ । उनलाई ३ के।जि।५ सय ग्राम गाँजाको धुलो सहित प्रहरीले पक्राउ गरेको प्रहरी प्रधान कार्यालय नक्सालले जनाएको छ । शंकास्पद रुपमा बाटोमा हिँडीरहेका थिङलाई मंगलबार जाँच गर्ने क्रममा उनले बोकेको झोलाबाट उक्त गाँजाको धुलो बरामद भएको थियो ।
त्यस्तै काठमाडौँको चन्द्रागिरी नगरपालिका–११ बालकुमारीबाट मकवानपुरको थाहा नगरपालिका पालुङ घर भई हाल काठमाडौं नैकाप बस्ने ३४ वर्षीया शुशिला तामाङलाई प्रहरीले २ के.जि.६ सय ग्राम लागूऔषध चरेश सहित पक्राउ गरेको छ । यस सम्बन्धमा प्रहरीले थप अनुसन्धान गरिरहेको प्रहरी प्रधान कार्यालय नक्सालले जनाएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
