मकवानपुर थाहा नगरपालिका क्षेत्रमा नेपाल टेलिकमको मोबाइलसेवा तीनदिनदेखि अवरुद्ध भएको छ ।
थाहानगर क्षेत्रमा विद्युत अवरोध हुने वित्तिकै संचार सेवा पनि विच्छेद हुने गरेको छ । टेलिकमको टावर रहेको दामनमा ३ वैशाख साँझबाट विद्युत आपूर्ति नहुँदा यस क्षेत्रका बासिन्दा संचार सम्पर्कबाट विच्छेद हुन परेको हो । नेपाल टेलिकमको सेवालाई प्रभावकारी बनाउनका लागि नगर प्रमुख लवशेर विष्टले पटक–पटक आग्रह गरेको बताए । उनले भने–‘टेलिकम प्रमुखले टावरका लागि ब्याकअप राख्ने हाम्रो नीति छैन, यसका लागि टेलिकमले नितीगत निर्णय गर्नुपर्छ ।’
थाहानगर क्षेत्रमा सामान्य हावाहुरी चल्दा पनि विद्युत अवरुद्ध हुने पुरानै समस्या हो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
