कृष्णाष्टमीको अवसरमा थाहा नगरपालिकाको शिखरकोटमा ७ भाद्र दिउँसाे घैटो फुटाई प्रतियोगिता हुने भएको छ ।
वर्षेनी हुने यो प्रतियोगितामा मकवानपुरसहित धादिङका समेत सहभागी हुने गरेका छन् । प्रतियोगिता अवलोकनका लागि ६ भाद्रबाटै थाहानगरमा दर्शकहरु आइसकेका छन् । शिखर क्लब तथा बजार व्यवस्थापन समितिको आयेजना हुने प्रतियोगिताको अवसरमा स्ट्रङ सौल डान्स कृउको सह आयोजनामा यहि भाद्र ७ गते घैटो फुटाइ कार्यक्रमको साथमा बृहत साँस्कृतिक कार्यक्रम सञ्चालन हुने भएको छ ।
प्रतियोगितामा पहिलो पुरस्कार नगद १२ हजार ५ सय सहित प्रमाणपत्र, दोश्रो पुरस्कार नगद ८ हजार सहित प्रमाणपत्र र तेस्रो पुरस्कार नगद ५ हजार सहित प्रमाणपत्र प्रदान गरिने आयोजकले जनाएको छ ।
कार्यक्रममा सदा झै सभ्य र भव्य बनाइ सफल पार्नका निम्ती सहभागिताको लागि आयेजक टिमले सम्पूर्णमा निमन्त्रणा गरेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
