थाहा नगरपालिकाको ओखरबजारमा महिनावारी हुँदा प्रयोग गरिने सेनेटरी प्याड बनाउन अगुवा महिलाहरुलाई तालिम दिइएको छ । रोटरी क्लब अफ काठमाण्डु, रोटरी क्लब अफ लिभरपुल वेष्ट अष्ट्रेलिया र संयोजन नेपालको सहकार्यमा सहयोगी बचत तथा ऋण सहकारी संस्थाले एक दिने तालिम दिएको हो ।
तालिममा २८ जना अगुवा महिलाहरुको सहभागिता रहेको थियो । एक समारोहबीच समापन गरिएको उक्त तालिममा प्रमुख अतिथि थाहा नगरपालिकाका प्रमुख लवशेर विष्टले सहभागीहरुलाई प्रमाणपत्र प्रदान गरेका थिए ।
सहकारीका अध्यक्ष अञ्जल प्रधानको अध्यक्षतामा भएको तालिम समापन कार्यक्रममा संयोजन नेपालका अध्यक्ष कामना झा, सल्लाहकार सुशिलकुमार कार्की, उपाध्यक्ष सोनिका थपलिया लगायतको उपस्थिति रहेको थियो ।
सहभागीहरुलाई सुशिलकुमार कार्की, कामना झा, सोनिका थपलिया, सपना तिवारी, प्रतिमा थापा कार्की लगायतले प्याड बनाउने तालिम प्रदान गरेका थिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
