मुग्लिन–नारायणघाट सडकखण्ड अन्तरगत दाहाखानी-६ गाविसको नौ किलो नजिकैबाट यात्रुवाहक बस त्रिशुलीका खसेको छ । काठमाडौंबाट भैरहवातर्फ गइरहेको लु१ख ७३९१ नम्बरको बस २ कात्तिक बेलुकी पौने नौबजेतिर त्रिशुलीमा खसेको चितवनका एसपी वसन्त कुँवरले जानकारी दिए ।
कुँवरका अनुसार आठजना घाइतेको प्रहरीले उद्धार गरेको छ भने एकको मृत्यु भएको छ ।
मृतकको पहिचान भएको छैन । दुर्घटनास्थल मुग्लिनबाट ४ किमि नारायणघाट तर्फ पर्छ । पानीमा बसको केही भाग मात्र देखिएको छ भने अहिले घटनास्थलमा उद्धार कार्य जारी छ ।
