मकवानपुरको उत्तरी क्षेत्र हिउँले सेताम्मे भएको छ । उत्तरी क्षेत्रमा पर्ने थाहा नगरपालिकाको दामन, सिमभन्ज्याङ, शिखरकोट, पालुङ चित्लाङलगायतको क्षेत्रका हिउँ परेको हाे ।
दामन सिमभन्ज्याङमा एक महिना अघि पनि हिउँ परेको थियो । तर शिखरकोट, पालुङ, चित्लाङकोमा हिउँ परेका थिएन । थाहा नगरपालिकाको तल्लो भागमा समेत एक फिट भन्दा बढी हिउँ परेको छ भने दामन सिमभन्ज्याङमा तीन फिट बाक्लो हिउँ परेको स्थानीयले बताएका छन् ।
हिउँ परेकाले उत्तरी क्षेत्रमा सवारी साधन चल्न सकेका छैनन् । थाहा नगरपालिकाको शिखरकोट, पालुङ र चित्लाङ क्षेत्रमा १२ वर्षपछि हिउँ परेको शिखरकोटका शुकदेव रायमाझीले बताए ।
'२०६३ साल फागुन ४ गते यसरी नै हिउँ परेको थियो' रायमाझीले भने । हिउँका कारण उत्तरी क्षेत्रको जनजीवन कष्टकर वनेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
