प्रधानमन्त्री कृषि आधुनिकीकरण परियोजनाअन्तर्गत् तरकारी जोन कार्यालय पालुङले थाहा नगरपालिका र इन्द्रसरोवर गाउँपालिकाका गरी ३६ कृषक समूह तथा सहकारीहरुलाई टनेलका लागि प्लास्टिक वितरण गरेको छ ।
टनेल खेती प्रविधि अन्तर्गत् टनेल निर्माणका लागि सिफारिस भएका जोनमा आवद्ध समूह र सहकारीका कृषकहरुलाई पचास प्रतिशत अनुदान कार्यक्रमअन्तर्गत् प्लास्टिक वितरण गरिएको जोनकी जेटिए प्रमिला पोखरेलले जानकारी दिइन् । ‘टनेलमा ५० प्रतिशत अनुदान हो, बाँसको टहरा कृषकहरुले निर्माण गर्दा हामीले प्लास्टिक सहयोग गरेका छौँ,’ उनले भनिन् ।
३६ रोल प्लास्टिक वितरण गरिएको र एक रोलबाट ६ गुणा २० साइजको पाँचवटा टनेललाई पुग्ने पोखरेलले बताइन् ।
तरकारी जोन कार्यालय पालुङले थाहा नगरपालिकाको १२ र इन्द्र सरोबर गाउँपालिकाको ५ वटा वडाहरुलाई कार्यक्षेत्र बनाएर काम गरिरहेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
