मकवानपुर थाहा नगरपालिकामा केही वर्षदेखि सामाजिक सेवामा क्रियाशील संस्था च्वाईस नेपालले छात्रवृत्ति वितरण गरिएको छ । अष्ट्रेलियन नागरिक निक ब्रोधहर्षको सहयोगमा थाहा नगरपालिकामा रहेको जनकल्याण मावि कक्षा ११ मा मानविकि संकाय अध्ययनरत विद्यार्थीलाई छात्रवृत्ति वितरण गरिएको हो ।
मकवानपुर भिमफेदी गाउँपालिका झिरघारी निवासी सुुशिला थिङ्ख तथा जनकल्यणकै कृषि प्राविधिक बिषय अध्ययनरत छात्रा थाहा नगरपालिका २ की बिनिशा घिमिरेलाई छात्रवृत्ति दिइएको हो । कार्यक्रममा थाहा नगरपालिका शिक्षा शाखा प्रमुख शोभाकर रेग्मीले छात्रवृत्ति रकम वितरण गरेका थिए । सुशीलाले ७६ हजार ७५० र विनिसाले ८० हजार ३३३ रुपियाँ छात्रवृत्ति रकम पाएका थिए । छात्रवृत्ति रकम विद्यार्थीले आफ्नो १ बर्षको अध्ययनका लागी मात्र खर्च गर्न सक्ने च्वाइस नेपालका प्रतिनिधि प्रताप घिमिरेले बताए ।
कार्यक्रममा प्रधानाध्यापक कार्कीले च्वाइस नेपालले विद्यालयलाई गर्दै आएको सहयोगको प्रसंशा गर्दै विदेशीहरुसंग विद्यार्थीको भेटघाटलगायतको कार्यक्रमलाई निरन्तरता दिएकोमा धन्यवाद व्यक्त गरे । थाहानगर शिक्षा शाखा प्रमुख रेग्मीले छात्रवृत्ति पाउने विद्यार्थी उदाहरणीय बन्नु पर्ने बताए । आफ्नो अध्ययनलाई गुणस्तरीय बनाए मात्र सहयोगको महत्व हुने रेग्मीको भनाइ थियो । च्वाईस नेपाल प्रतिनिधि कुल प्रसाद तिवारीले यस छात्रवृत्ति रकमबाट आर्थिक अवस्था कमजोर भएका विद्यार्थीहरुलाई सहयोग पुगेको बताए ।
विष्ट, थाहा टाइम्स डटकममा आवद्ध फोटो पत्रकार हुन् ।
