विश्व स्वास्थ्य सङ्गठनले शनिबार कोरोना सङ्क्रमित व्यक्तिमा हाइड्रोक्सिक्लोरोक्विन र लोपिनाभिरररिटोनाभिर औषधिको प्रयोग बन्द गर्न लागिएको जनाएको छ ।
मलेरियाको उपचारमा प्रयोग आउने हाइड्रोक्सिक्लोरोक्विन र एचआईभी सङ्क्रमितलाई दिइने लोपिनएभिर–रिटोनाभिर औषधिबाट कोरोना सङ्क्रमितको मृत्युदर नरोकिएको कारण यस्तो निर्णय लिएको विश्व स्वास्थ्य सङ्गठनले बताएको बीबीसीले जनाएको छ ।
कोरोना सङ्क्रमितको उपचारको लागि विभिन्न खोप र औषधि परीक्षणमा यो औषधिलाई एक आशाको रुपमा हेरिएको थियो तर त्यो सफल हुन सकेन ।
यसैबीच विश्व स्वास्थ्य सङ्गठनले विश्वभरमा पहिलो पटक एकैदिनमा दुई लाखभन्दा धेरैमा कोरोना सङ्क्रमण पुष्टि भएको जनाएको छ ।
शुक्रबार विश्वभर दुई लाख १२ हजार तीन सय २६ जनामा सङ्क्रमण पुष्टि भएकोमा अमेरिकामा मात्रै ५३ हजार दुई सय १३ जनामा सङ्क्रमण पुष्टि भएको हो ।
विश्व स्वास्थ्य सङ्गठनले एक विज्ञप्ति निकाल्दै भनेको छ, ‘मेडिकल परीक्षणबाट हाइड्रोक्सिक्लोरोक्विन र लोपिनाभिरररिटोनाभिरको प्रयोगले कोरोना सङ्क्रतमितको मृत्युदरमा कमी आएन । यसर्थ यी औषधिको परीक्षण तत्काल बन्द गरिन लागिएको छ ।’
विश्वका विभिन्न देशमा विश्व स्वास्थ्य सङ्गठनको अगुवाइमा यी औषधिले कोरोना सङ्क्रमितमा परेको असरबारे जाँभ भइरहेको थियो ।
एक अन्तर्राष्ट्रिय कमिटीको सिफारिसमा विश्व स्वास्थ्य सङ्गठनले यस्तो निर्णय लिएको सङ्गठनको स्वास्थ्य एजेन्सीले बताएको छ ।
यद्यपि डब्ल्यूएचओले अस्पतालमा भर्ना नभएका बिरामी र रोगनिरोधकको रुपमा उनीहरुमाथि यसको प्रयोगसँग जोडिएको अध्ययनमा यो निर्णयको असर नपर्ने जनाएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
