मकवानपुर कैलाश गाउँपालिकाका अध्यक्ष टंकबहादुर मुक्तानले कर्मचारी समायोजनपछि स्थानीय तहमा उनीहरुको रोजाईमा पछौटे परिएको बताएका छन् ।
सामाजिक सञ्जाल फेसबुकमा प्रधानमन्त्री केपी शर्मा ओलीलाई सम्बोधन गर्दै उनले गणतन्त्र र संघीयताको उल्टो बिरुवा रोपेको सपना देखेको उल्लेख गरेका छन् । यो काममा संघीय मामिला मन्त्रालयका तत्कालिन सचिव दिनेशकुमार थपलिया र सामान्य प्रशासन मन्त्री लालबाबु पण्डित पनि लागेको भन्दै अध्यक्ष मुक्तानले फेसबुकमा लेखेका छन् । ब्यङग्यात्मक शैलमिा उनले अहिले वडा कार्यालयहरुमा जन्मदर्ता गर्ने कर्मचारी समेत नरहेको भन्दै मुख्यसचिवले एकमुष्ट सही गरेर जन्मदर्ता प्रमाणपत्र छपाएर ग्रामीण भेगका गाउँपालिकामा हेलिकप्टरमार्फत छर्न भनेका छन् ।
पछिल्लो समय सरकारी कर्मचारीका बारेमा असन्तुष्ट रहेका मुक्तानले समायोजनले बिकट गाउँपालिकाहरुमा समस्या आएको बताए । उनले अहिले सामान्य पञ्जीकरणको काम गर्ने कर्मचारी पनि गाउँपालिका नआएको भन्दै स्वास्थ्यका र करारका कर्मचारीलाई खटाएर सामान्य प्रशासनको दर्ता चलानीका काम गरिएको बताए ।
तत्कालीन भार्ता गाविसका कार्यालय सहायकका रुपमा लामो समय काम गरेका मुक्तान स्थानीय तहको निर्वाचनमा भार्ता, कालिकाटार, आग्रा, गोगने, डाँडाखर्क र नामटार गाविस मिलेर बनेको कैलाश गाउँपालिकाको अध्यक्षमा निर्बाचित भएका थिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
