थाहा नगरपालिकाका कृषि प्राविधिक राजकुमार श्रेष्ठलाई पत्नीशोक परेको छ । थाहा नगरपालिका वडा नम्बर २ पालुङ शहरका श्रेष्ठ पत्नीको ५३ वर्षको उमेरमा निधन भएको हो ।
श्रेष्ठकी पत्नी रुपा श्रेष्ठको निजामती कर्मचारी अस्पताल, मिनभवनमा उपचारकाे क्रममा १९ कात्तिकमा निधन भएको पारिवारिक स्रोतले जानकारी दिएको छ । श्रेष्ठलाई यसअघि रक्तक्यान्सर पुष्टि भएको थियो । उनी तीन महिनादेखि अस्पतालमै उपचाररत् थिइन् । उनको पशुपतिमा २० कात्तिकमा अन्त्येष्टि गरिएको छ ।
उनका दुई छोरा छन् ।
शोकाकुल परिवारजनमा समवेदना व्यक्त गर्दै थाहा नगरपालिकाले दिवंगत श्रेष्ठप्रति श्रद्धाञ्जली व्यक्त गरेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
-1730269645.jpg)
