नेकपा एमाले थाहा नगर कमिटीका अध्यक्ष अच्युत्तमप्रसाद ढकालले चालु शैक्षिक सत्रका लागि दुई जनालाई छात्रवृत्तिको घोषणा गरेका छन् ।
आफ्नो स्वर्गीय माताको १३ औँ दिनको पुण्य तिथिमा एमाले थाहाका अध्यक्ष ढकालले छात्रवृत्तिको घोषणा गरेका हुन् । स्वर्गीय माता भक्तकुमारी ढकालको १३औँ दिनको पुण्य तिथिमा स्वर्गीय पिता रोजनाथ ढकालको समेत स्मृतिमा थाहा नगरका दुई शैक्षिक संस्थामा अध्ययनरत दुई विद्यार्थीहरुलाई छात्रवृत्ति घोषणा गरिएको अध्यक्ष ढकालले बताए ।
चालु शैक्षिक सत्रका लागि पालुङ बहुमुखी क्याम्पसमा अध्ययनरत गरीव, जेहेन्दार, दलित, जनजाति, अपाङ्गता भएका आदिमध्ये क्याम्पसले सिफारिस गरेको एक जना विद्यार्थी र थाहा नगरपालिकामा प्राविधिक शिक्षा लिइरहेका कक्षा १० भन्दा माथिका एक जना छात्रालाई पूर्ण छात्रवृत्ति उपलब्ध गराइने उनले जानकारी दिए ।
स्वर्गीय माताको १३ औँ दिनमा घोषणा गरिएकोले लैङ्गिकताको आधारमा प्राविधिक शिक्षातर्फ छात्रालाई प्राथमिकता दिएर प्राविधिक शिक्षा छात्रवृत्ति घोषणा गरिएको ढकालको भनाइ छ ।
एमाले अध्यक्ष ढकालको ममतामयी माता भक्तकुमारी ढकालकोे १ असारमा असामयिक निधन भएको थियो ।
सकेसम्म रोजगारीका लागि विदेश नजाऔं । जानै परे सीप सिकेर र सही सूचना लिएर मात्र जाऔं । श्रम, रोजगार, सीप तथा उद्यमशीलतासम्बन्धी सूचना, समाचार र विज्ञापनका लागि www.thahatimes.com लग अन गर्नुहोस् । ९७०५०७८९१०
![g]kfnLx_sf]-dxfg-rf8-a8f-1792215839.jpg](https://thahatimes.com/public/images/news/2026-10-17/400/g]kfnLx_sf]-dxfg-rf8-a8f-1792215839.jpg)
-1790751826.png)
