मकवानपुरको थाहा नगरपालिका, इन्द्रसरोवर गाउँपालिका र कैलाश गाउँपालिका क्षेत्रमा गतवर्ष आर्थिक वर्षको आत्महत्याको संख्या कहालिलाग्दोे छ । आर्थिक वर्ष २०७५/०७६ मा यस क्षेत्रभित्र २० जनाले आत्महत्या गरेका छन् । आत्महत्या गर्नेमा झुण्डीएर आत्महत्या गर्नेको संख्या ७ जना रहेको छ जसमा १ जना बालक र १ जना बालिका समेत रहेका छन् । यस्तै विष सेवन गरी आत्महत्या गर्नेको संख्या १३ जना रहेको छ । जसमा २ जना बालक रहेको इलाका प्रहरी कार्यालय पालुङका प्रमुख एल. बि. गुरुङले जानकारी दिए । थाहा नगरपालिका, इन्द्रसरोवर गाउँपालिकाको १, ४ र ५ नम्बर वडा र कैलाश गाउँपालिकाको १, २ र ५ नम्बर वडा इलाका प्रहरी कार्यालय पालुङको कार्य क्षेत्र भित्र पर्ने स्थानहरु हुन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
