इन्द्रसरोवर गाउँपालिकालाई आज बिहिबार सफल युवा ब्यवसायी उत्तम ब्लोनले १० थान पीपीई सहयोग गरेको छ । इन्द्रसरोवर गाउँपालिका वडा नं १ मार्खु सर्वाङ निवासी ब्लोनले गाउँपालिकाको निम्ति व्यक्तिगत सुरक्षा सामाग्री पीपीई सहयोग गरेको हो । कोरोना भाइरस कोभिड १९ को महामारीमा स्वास्थ्य सेवामा खटिएका स्वास्थ्यकर्मीहरुलाई कोरोना संक्रमणबाट बचाउन सहयोग पुुग्ने भन्दै गाउँपालिकाका अध्यक्ष जीवन लामाले सहयोग प्रति धन्यवाद व्यक्त गरे । सफल युवा ब्यवसायी ब्लोन एन.एम.बी.बैंक लिमिटेडका निर्देशक हुन् ।
यस्तै गाउँपालिकालाई हिजो बुधबार महाबिर पुनद्धारा ५ सेट पीपीई सहयोग प्राप्त भएको थियो ।
बलामी, थाहा टाइम्स डटकमका संवाददाता हुन् । उनी मकवानपुरको इन्द्रसरोवर गाउँपालिकामा रहेर पत्रकारिता गरिरहेकी छिन् ।
