मकवानपुरको इन्द्रसरोवर गाउँपालिकाको आयोजनामा उपभोक्ता समितिका पदाअधिकारीहरुका लागि अभिमुखीकरण कार्यक्रम भएको छ । ५ वटा वडा रहेको इन्द्रसरोवर गाउँपालिकाको २६ कार्तिकमा ५ नम्बर वडामा तथा २७ कार्तिकमा वडा नम्बर ४ का उपभोक्ता समितिका पदाअधिकारीहरुका लागि अभिमुखीकरण गरिएको हो ।
त्यस्तै २९ कार्तिकमा २ नम्बर वडामा, ३० कार्तिकमा १ नम्बर वडामा र ३१ कार्तिकमा ३ नम्बर वडाका उपभोक्ता समितिका पदाअधिकारीहरुलाई अभिमुखीकरण गरिने गाउँपालिकाका प्रमुख प्रशासकीय अधिकृत रोशन पुनले जानकारी दिए ।
अभिमुखीकरणका सहभागीहरुलाई प्रमुख प्रशासकीय अधिकृत रोशन पुन, जिल्ला प्राविधिक कार्यालय हेटौंडाका इन्जिनियर सचितानन्द पोखरेल, गाउँपालिकाका प्रशासन शाखा प्रमुख टेक नाथ काफ्ले, लेखा प्रमुख दिपक गजुरेलले सहजीकरण गरिरहेका छन् ।
अभिमुखीकरण कार्यक्रम गाउँपालिका अध्यक्ष जीवन लामाको प्रमुख आतिथ्य तथा वडा अध्यक्षहरुको सभाध्यक्षतामा संचालन भइरहेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
