मकवानपुरको इन्द्रसरोवर गाउँपालिकाका अध्यक्ष जीवन लामाले गाउँपालिकाको पर्यटन विकासका लागि गाउँ पर्यटन विकासको लागि पर्यटनको महत्वपूर्ण भूमिका हुने बताएकाछन् । मुलुककै पहिलो मानव निर्मित ताल तथा अध्य थुप्रै पर्यटकीय संभावना बोकेको इन्द्रसरोवर गाउँपालिकामा पर्यटन विकास समितिलाई विशेष महत्वका साथ अघि बढ्नु आवश्यक रहेको औल्याएका हुन् ।
अध्यक्ष लामाले गाउँ पर्यटन विकास समिति गठनको अवसरमा २२ कार्तिकमा आयोजित कार्यक्रममा यस्तो बताएका हुन् । उनले पर्यटकलाई इन्द्रसरोवर गाउँपालिकातर्फ आकर्षित गर्नको लागि इन्द्रसरोवर तालको सरसफाइलगायतका सवालाहरु दिन आग्रह गरेका छन् ।
कार्यक्रमको अवसरमा परशुराम योन्जन लामाको अध्यक्षतामा १५ सदस्यीय इन्द्ररोवर पर्यटन प्रवर्द्धन तथा विकास समिती गठन गरिएको छ । समितिको उपाध्यक्ष धिरज लामा, सचिव राजु लामा, सहसचिवमा अशोक वाइवा लामा, कोषाध्यक्ष सावित्री थापा चयन भएकी छिन् ।
त्यस्तै सदस्यहरुमा सनक कुमार नगरकोटी, बालकृष्ण बल, होम बहादुर थापा मगर, बसन्ती स्याङ्तान, मोहन कुमार मोक्तान, श्याम बहादुर थिङ, मन्दिरा अधिकारी, विनोद महर्जन, सरिता लामा र हरिमाया बस्याल चयन भएको कार्यकारी अधिकृत रोशन पुनले जानकारी दिए ।
-मणिराज थापा/इन्द्रसरोवर
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
