मकवानपुरको ईन्द्रसरोवर गाउँपालिकामा हुन लागेको बालमैत्री वडा घोषणा कार्यक्रममा प्रमुख अतिथिको रुपमा संघीय मामिला तथा सामान्य प्रशासन मन्त्री लालबाबु पण्डित आउने भएका छन । ईन्द्रसरोवर गाउँपालिका वडा नं ४ र ५ लाई यहि जेठ २९ गते बिश्व बालश्रम बिरुद्ध दिवसको अवसरमा हुन गइरहेको बालमैत्री वडा घोषणा कार्यक्रमको सम्बोधनको लागि संघीय मामिला तथा सामान्य प्रशासन मन्त्री पण्डित आउने भएको हो ।
कार्यक्रममा बिशिष्ट अतिथिको रुपमा संघिय सांसद बिरोध खटिवडा र मकवानपुरकी प्रदेश सभा सदस्य कुमारी मोक्तानको आतिथ्यता रहने ईन्द्रसरोवर गाउँपालिका वडा नं ५ का वडाध्यक्ष धनराज महर्जनले जनाकारी दिए । बि.स. २०६३ सालदेखि नै साबिक फाखेल गा.बि.सले फाखेल गा.बि.स.लाई बालमैत्री घोषणा गने प्रयासमा रहे पनि हाल ईन्द्रसरोवर गाउँपालिका भैसक्दा गाउँपालिकाको ५ वटा वडाहरु मध्ये दुईवटा वडाहरु ४ र ५ लाई बालमैत्री वडा घोषणा गर्न लागिएको हो ।
बालमैत्री घोषणा कार्यक्रमको मिति नजिकिय संगै साबिक फाखेल गा.बि.स.मा कार्यक्रमको ब्यवस्थापनको तयारी तिब्र परिएको छ ।
बलामी, थाहा टाइम्स डटकमका संवाददाता हुन् । उनी मकवानपुरको इन्द्रसरोवर गाउँपालिकामा रहेर पत्रकारिता गरिरहेकी छिन् ।
