मकवानपुरको इन्द्रसरोवर गाउँपालिका ४ फाखेलमा रहेको सक्रिय महिला बचत तथा ऋण सहकारी संस्था लिमिटेडले लकडाउनको बेला पनि आफ्ना सदस्यहरुलाई सेवा दिइरहेको छ ।
सहकारीका कर्मचारीहरु कोरोना भाइरसबाट बच्नको लागि सुरक्षा अपनाएर सेवा प्रवाह गरिरहेका हुन् । उनीहरुले स्यानटिाइजर, पिपीई लगाएरै सेवा दिइरहेका छन् ।
सहकारी अहिले दैनिक तीन घण्टा खोलेर सेवा प्रवाह गरिरहेको व्यवस्थापक सबिना लामाले बताइन् । सहकारी विहान ११ देखि दिउँसो २ बजेसम्म संचालन हुने गरेको लामाले बताइन् । यसअघि फोन सम्पर्कको आधारमा समेत सहकारीले आफ्ना सदस्यहरुलाई सेवा प्रवाह गरिरहेको थियो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
