हेटौँडा उपमहानगरपालिका वडा नम्बर १३ पदमपोखरीमा अवस्थित महेन्द्र आधारभूत विद्यालय पदमपोखरीमा शुक्रबार आयोजित आधारभूत विद्यालय स्तरीय हाजिरीजवाफ प्रतियोगितामा हेटौँडा –१२ भोर्लेको विष्णुज्योति आधारभूत विद्यालय प्रथम भएको छ । विद्यालयको समूहमा रेश्मा ढकाल र सफल श्रेष्ठ थिए ।
त्यस्तै प्रतियोगितामा प्रतिभा आधारभूत विद्यालय सिग्रेनी द्वित्तिय भएको छ । विद्यालयको समूहमा सचिता तितुङ र सुनिता ढकाल सहभागी थिए । प्रतियोगितामा हेटौँडा १२ हात्तिगौँडाको बुद्ध मावि तृतिय भएको छ । समूहमा अशोक घलान र विपना थोकर सहभागि थिए ।
प्लान ईन्टरनेशनल मकवानपुरको आर्थिक सहयोगमा बालअधिकार तथा महिला विकास केन्द्र पदमपोखरीको आयोजनामा प्रतियोगिता भएको केन्द्रका अध्यक्ष रामहरी पोखरेलले जानकारी दिए । कार्यक्रम महेन्द्र बहुमुखी क्याम्पसका प्रमुख कृष्णमाया लटौँलाको प्रमुख आतिथ्यता र विद्यालयका प्राचार्य शंकरबहादुर थिङको अध्यक्षतामा भएको हो । प्रतियोगितमा ६ सामुदायिक विद्यालयबाट १२ जना सहभागी भएका थिए ।
त्यस्तै बिहीबार सम्पन्न बसामाडी आधारभूत विद्यालय स्तरीय हाजिरी जवाफमा बाराही आधारभूत विद्यालय, हेटौँडा १ लालझाडीका आशिका अधिकारी र सुमन लामा प्रथम भएका छन् । त्यस्तै महेन्द्र किरण मावि बसामाडीकिा समिक्षा कार्की र अनोज अधिकारी द्वित्तिय तथा बाल उज्वल मावि लेवटका आशिका जमकटेल र आश्मा थिङ तृतिय भएका थिए ।
५ विद्यालय सहभागी प्रतियोगिता महेन्द्र किरण माविमा भएको हो । कार्यक्रम विद्यालयकी प्रधानाध्यापक प्रतिमा गौतमको अध्यक्षतामा भएको थियो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
