मकवानपुरको पालुङमा मध्यकालदेखि नै प्रचलनमा रहेको ३ वर्षे इन्द्रायणी जात्रा यस वर्ष परेको छ । मंसिर शुक्ल पूर्णिमा अर्थात् यही मंसिर २६ गतेबाट थाहा नगरपालिकाको इन्द्रायणी चौरमा हुने ३ दिने जात्राको तयारी शुरु भएको छ ।
जात्रामा नचाइने रथहरुलाई देउता घरबाट पालुङको डबलीमा ल्याइएको छ । अब रथ सिंगार्ने काम हुने स्थानीय धुर्व श्रेष्ठले जानकारी दिए ।
इन्द्रायणी भगवति कालाभैरव गुठी संरक्षण समितिको व्यवस्थापनमा हुँदै आएको इन्द्रायणी जात्राको अवसरमा पहिलो दिन इन्द्रायणी माइको थानमा रथ लैजाने, दोस्रो दिन मुख्य पूजा र तेस्रो दिन रथ फर्काउने चलन रहेको छ । मेला अवधिमा थाहा नगरपालिका–२ का देउला समुदाय र नेवार समुदायले दिनरात नै पुजा गर्ने गर्दछन् ।
इन्द्रायणी माइ थानमा राती पञ्चबली सहित तान्त्रिक विधिबाट पुजा हुने गर्दछ । जात्रामा पाटनबाट आएका तान्त्रिक कर्माचार्यहरुले विशेष पूजाआजा गर्ने गर्दछन् ।
तयारीका फोटोहरुः
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
