राजमार्गलाई २५ मिटर फरकिलो बनाउने क्रममा हेटौँडा स्थित वभिन्न सरकारी कार्यालयको संरचना भत्काईएको छ । १४ पौषमा हेटौँडाको हेटौँडा अस्पतालको ब्यवसायीक भवन, रानी दरबार परिषरमा रहेको वन विज्ञान अध्ययन सस्थान तथा नेपाल ट्रस्टले अतिक्रमण गरेको संरचनामा डोजर लगाएर भत्किाइएको छ । यसअघि सडक विभाग हेवी इकुमेन्ट, जिल्ला प्रहरी कार्यालय तथा जिल्ला हुलाक कार्यालले अतिक्रमण गरेका संरचना भत्काएइसकेको छ ।
सडक डिभिजन कार्यालय हेटौँडाले गत मंसिर २८ गते हेटौँडा उपमहानगरपालिकामा रहेका २५ मीटर क्षेत्रमा पर्ने सरकारी कार्यालयलाई १० दिन भित्र संरचना भत्काउन पत्रचार नै गरेर निर्देशन दिएको थियो ।
हेटौँडा अस्पताललाई ७ दिन भित्र मातहतको संरचना खाली गर्न पत्राचार गरेको भएपनि ब्यवसायीहरुले अटेर गरेपछि वाध्य भएर भवनमा डोजर लगाएको डिभिजन सडक कार्यालय हेटौँडाका सूचना अधिकृत इन्जिनियर जयराम अधिकारीले बताए ।
मकवानपुर उद्योग वाणिज्य संघका अध्यक्ष राजकुमार न्यौपानेले सडक फराकिलोको क्रममा निजी घरहरु पनि भत्काए रगतपिच्छे हुने प्रतिक्रिया दिएकाछन् । संरचनाहरु भत्काउन थालेको प्रति गम्भिर आपत्ती जनाउँदै क्षेत्रिय प्रशासकको निर्देशनमा संचरनामा डोजर चलाएको बताउँदै उनी बिरुद्ध आन्दोलनमा जाने बताए ।
प्रशासनले एकलौटी रुपमा भवनहरु भत्काउने काम गर्दा समेत मकवानपुरका राजनीतिक दलहरुको कुनै प्रतिक्रिया नआउनु आश्चार्यको विषय भएको न्यौपानेको भनाई रहेको छ ।
भिडियोः अशोक श्रेष्ठ/हेटौँडा
भुजेल स्थानीय विकास र स्थानीय शासन विटमा समाचार लेख्ने मकवानपुर, थाहाका पत्रकार हुन् ।
