थाहा नगरपालिका वडा नम्बर २ मा रहेको पाथीभरा बचत तथा ऋण सहकारी संस्था लि. कोरोना भाइरस (कोभिड–१९) को महामारीका कारण भएको लकडाउनमा आफ्ना सदस्यलाई घरदैलो सेवा दिने भएको छ । सहकारीले असक्त र बिमार सदस्यहरुका लागि मात्र निक्षेपबाट रकम झिक्दा घरैमा पु¥याउने व्यवस्था गरिएको अध्यक्ष गोकर्ण बरुवालले जानकारी दिए ।
विपद्का बेलामा आफ्ना सदस्यहरुलाई सहजताको लागि सहकारी संस्थामा रहको आफ्नो बचतबाट रकम झिक्न चाहेमा अध्यक्ष र व्यवस्थापकलाई सम्पर्क गर्न सकिने व्यवस्था गरिएको उपाध्यक्ष रामकुमार कार्की जानकारी दिए ।
सहकारीले सूचना प्रकाशन गरी यस्तो जानकारी गराएको हो । निक्षेपबाट बढिमा १५ हजार रुपियाँ सम्म मात्र झिक्न सकिने सहकारीले सूचना मार्फत जानकारी गराएको छ । साथै, सहकारीले आफ्ना सदस्यहरुलाई कोरोना भाइरसबाट बच्न र बचाउन अनुरोध समेत गरेको व्यवस्थापक राजाराम कार्कीले जानकारी दिए ।
