लियो क्लब अफ पिस थाहाले तीजको अवसर पारेर तीज विेशष साँस्कृतिक कार्यक्रम गर्ने भएको छ । ८ भदौमा हरितालिक तीजको दिन पालुङको प्रशिद्ध पाण्डुकेश्वर मन्दिर परिसरमा वृहद साँस्कृतिक कार्यक्रमको आयोजना गरिने लियो क्लब अफ पिस थाहाका अध्यक्ष अनित विष्टले
जानकारी दिए ।
कार्यक्रममा क्षितिज कला केन्द्र, थाहा कला केन्द्र र नाप्सी कल्चरका कलाकारहरुका साथै स्थानीय चर्चित कलाकारहरुको प्रस्तुती रहने आयोजकले
जनाएको छ ।
कार्यक्रमका लागि थाहा नगरपालिकामा रहेका मिडियाहरु शान्तिपुर दैनिक, विकास खबरपत्रिका साप्ताहिक, रेडियो पालुङ एफएम १०७.२ मेगाहर्ज, रेडियो आवाज र दामन पोष्ट मिडिया पार्टनरको रुपमा रहेको अध्यक्ष विष्टले बताए ।
