प्रहरीको लागुऔषध नियन्त्रण ब्यूरोको टोलीले एक जना प्रहरी निरीक्षक (इक्सपेक्टरलाई) नियन्त्रणमा लिएको छ । ब्यूरो स्रोतका अनुसार महानगरीय प्रहरी परिसर ललितपुरमा कार्यरत इक्सपेक्टर रुद्र शाहीलाई ब्यूरोको टोलीले नियन्त्रणमा लिएको हो ।
ब्यूरोका अनुसार उनलाई बिहीबार ललितपुर प्रहरी परिसरबाटै नियन्त्रणमा लिइएको हो । उनीमाथि लागुऔषध कारोबारीसँग नियमित सम्पर्कमा रहेको र उनीहरूलाई सहयोग गरेको आरोप छ । इक्सपेक्टर शाही महानगरीय प्रहरी वृत्त सातदाबाटोबाट केही दिनअघि मात्र ललितपुर प्रहरी परिसरमा तानिएका थिए ।
बुधबार मात्रै महानगरीय अपराध महाशाखाको टोलीले हुण्डी कारोबारीसँग १० लाख रुपैयाँ असुली गरेको अभियोगमा दुई जना प्रहरीलाई नियन्त्रणमा लिएको थियो ।
पक्राउ पर्नेमा प्रहरी हवल्दार धीरेन विष्ट र प्रहरी जवान विक्रम चन्द थिए । उनीहरू दुवै जना सादा पोशाकका प्रहरी हुन् । उनीहरू दुवै जनामाथि अहिले छानविन कार्य जारी रहेको प्रहीले जनाएको छ ।
सकेसम्म रोजगारीका लागि विदेश नजाऔं । जानै परे सीप सिकेर र सही सूचना लिएर मात्र जाऔं । श्रम, रोजगार, सीप तथा उद्यमशीलतासम्बन्धी सूचना, समाचार र विज्ञापनका लागि www.thahatimes.com लग अन गर्नुहोस् । ९७०५०७८९१०
![g]kfnLx_sf]-dxfg-rf8-a8f-1792215839.jpg](https://thahatimes.com/public/images/news/2026-10-17/400/g]kfnLx_sf]-dxfg-rf8-a8f-1792215839.jpg)
