थाहा आन्दोलनका अभियन्ता स्वर्गिय रूपचन्द्र बिष्टको २० औं स्मृति दिवसको सन्दर्भमा पालुङ साहित्य परिषद्को संयोजनमा प्रथम थाहा साहित्यिक महोत्सव हुने भएको छ।
पुस्तक प्रकाशन,काव्य गोष्ठी र यश भेगको स्रष्टाहरूको सामुहिक सिर्जना संकलन गरेर नयाँ पुस्ताको लेखकहरूलाई प्रोत्साहन गर्दै आएको यश संस्थाले यश पटक थाहा साहित्य महोत्सव गर्न लागेको कुरा अध्यक्ष बिर्खे अञ्जानले बताए ।
विकास निर्माण ,शिक्षा ,स्वास्थ र जनमुखी अभियान बोकेर थाहा दर्शनको प्रतिवादन गर्ने राजनीतिज्ञ रूपचन्द्र बिष्टको यही असार ७ गते स्मृति दिवस पर्ने समय जुराएर परिषद्ले यस्तो कार्यक्रम परिकल्पना गरेको हो ।सो महोत्सवमा बिष्टको ब्यक्तित्व, कृतित्व र योगदानको चर्चा गरिनुको साथै मुलुकभरका प्रतिनिधि स्रष्टाहरूको मौलिक सिर्जना वाचन, जनवादी गीत संगीतको प्रस्तुत गरिने कुरा कार्यक्रमको मुल आयोजक थाहा नगरपालिकाका मेयर लवशेर बिष्टले जानकारी दिए । उनले भने, स्थानीय सरकारको काम भौतिक निर्माण मात्रै होइन सम्वन्धित क्षेत्रको कला ,संस्कृति र साहित्यको विकास गर्नु पनि हो ।
कार्यक्रमले थाहा नगरपालिकालाई साहित्यिक पर्यटनको मुख्य गन्तब्य स्थल बनाउँन मुद्दत पुग्ने कुरा संयोजक बिर्खे अञ्जानको प्रतिक्रिया छ । भाषा, कला र संस्कृतिको क्षेत्रमा सक्रिय पालुङ साहित्य परिषद् ,मकवानपुरको उत्तरी क्षेत्रमा स्थापना भई विगत लामो समयदेखि संस्थागत साहित्यको विकासकोलागि क्रियाशील संस्था हो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
