निर्वाचन आयोगले ३१ वैशाखमा हुने स्थानीय तहको चुनावका लागि मुख्य निर्वाचन अधिकृत/निर्वाचन अधिकृत नियुक्त गरेको छ । यसैक्रममा मकवानपुरका १० वटै स्थानीय तहका लागि निर्वाचन अधिकृत तोकिएका छन् । निर्वाचन आयोगले निर्वाचन अधिकृतहरुको नामावली प्रकाशन गरिसकेको छ ।
आयोगले यहि २५ चैत्रदेखि लागू हुने गरी निर्वाचन अधिकृत तोकेको जनाएको छ । तोकिएका निर्वाचन अधिकृतहरुको नियुक्ति २५ चैत्रबाट लागू हुने सूचनामा उल्लेख गरिएको छ ।
आयोगले ६६९ जनालाई निर्वाचन अधिकृत तोकेको हो । मुख्य निर्वाचन अधिकृत तोकिएका जिल्ला न्यायाधीशहरुले समेत एक एक स्थानीय तहमा निर्वाचन अधिकृतको रुपमा काम गर्नुपर्नेछ । आयोगले निर्वाचन अधिकृतलाई वैशाख १२ गतेसम्म आफूलाई खटाएको स्थानीय तहमा पुगेर कार्यालय स्थापना गर्न भनेको छ ।
यसैबीच तोकिएका निर्वाचन अधिकृतहरुको लागि प्रशिक्षणको मिति पनि निर्वाचन आयोगले तोकेको छ । ताकिएको मिति अनुसार मकवानपुर र सर्लाही जिल्लाको तालिम हेटौंडामा यहि चैत्र २८ र २९ गते हुने भएको छ ।
मकवानपुरका स्थानीय तहमा को को तोकिए निर्वाचन अधिकृत ?
देशभर को को तोकिए निर्वाचन अधिकृत हेर्नको लागि यहाँ क्लिक गर्नुहोस् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
