मकवानपुरका थप एक जनामा कोरोना संक्रमण पुष्टि भएको छ । किटजन्य रोग तथा अनुसन्धान तालिम केन्द्र हेटौंडामा गरिएको परीक्षणमा जिल्लाका एक पुरुषमा कोरोना संक्रमण पुष्टि भएको स्वास्थ्य अधिकृत भोला प्रसाद चौलागाईले जानकारी दिए ।
कोरोना संक्रमण पुष्टि हुने व्यक्ति बागमती गाउँपालिका वडा नम्बर २ माझगाउँका रहेका छन् । ९ दिनअघि साउदीअरबबाट आएका उनी बागमती गाउँपालिकास्थित जनता माविको क्वारेन्टाइनमा बस्दै आएका थिए ।
सक्रमित पुरुषको अवस्था सामान्य रहेको स्वास्थ्य अधिकृत चौलागाईले बताए । उनका अनुसार, बुधबार हेटौंडास्थित आइसोलेशनबाट ३४ जनाको स्वाब संकलन गरी उक्त प्रयोगशालामा पठाइएकोमा १ जनाको रिपोर्ट कोरोना पोजेटिभ हो ।
यो सँगै मकवानपुर जिल्लामा हालसम्म कोरोना संक्रमित व्यक्तिको संख्या ४७ जना पुगेको छ । संक्रमितमध्ये हालसम्म २४ जना संक्रमण मुक्त भई डिस्चार्ज भइसकेका छन् ।
सकेसम्म रोजगारीका लागि विदेश नजाऔं । जानै परे सीप सिकेर र सही सूचना लिएर मात्र जाऔं । श्रम, रोजगार, सीप तथा उद्यमशीलतासम्बन्धी सूचना, समाचार र विज्ञापनका लागि www.thahatimes.com लग अन गर्नुहोस् । ९७०५०७८९१०
![g]kfnLx_sf]-dxfg-rf8-a8f-1792215839.jpg](https://thahatimes.com/public/images/news/2026-10-17/400/g]kfnLx_sf]-dxfg-rf8-a8f-1792215839.jpg)
