बागमती प्रदेशको सिन्धुपाल्चोकको जम्बुमा गएराति भारी वर्षासँगै आएको बाढीले २ जनाको मृत्यु र दर्जन भन्दा बढि बेपत्ता तथा घाईते भए संगै घटनाबारे बुझ्न तथा घाइतेहरुको उद्धारको लागि प्रदेशका तीन मन्त्रीहरु हेटौंडाबाट बाढी प्रभावित क्षेत्रतर्फ प्रस्थान गरेका छन् ।
प्रदेशका आन्तरिक मामिला तथा कानून मन्त्री शालिकराम जम्कट्टेल, उद्योग पर्यटन वन तथा वातावरण मन्त्री अरुण नेपाल र सामाजिक विकास मन्त्री युवराज दुलाल हेलिकप्टर मार्फत त्यसतर्फ प्रस्थान गरेका हुन् ।
गएराति भारी वर्षासँगै आएको बाढीले बाह्रबीसे नगरपालिका –५ जम्बुका २० वर्षीय निकेश बस्नेत र उनकी तीन वर्षीया छोरीको ज्यान गएको छ । घटनामाा १८ जना बेपत्ता तथा पाँच जना गम्भीर घाइते भएका छन् ।
घटनास्थलमा नेपाली सेना, सशस्त्र प्रहरी र नेपाल प्रहरीबाट उद्धार भइरहेको छ । भोटेकोशी नदीको बाढीले अरनिको राजमार्गका विभिन्न ठाउँमा कटान गरेपछि आवागमन अवरुद्ध भएको प्रहरीले जनाएको छ ।
सकेसम्म रोजगारीका लागि विदेश नजाऔं । जानै परे सीप सिकेर र सही सूचना लिएर मात्र जाऔं । श्रम, रोजगार, सीप तथा उद्यमशीलतासम्बन्धी सूचना, समाचार र विज्ञापनका लागि www.thahatimes.com लग अन गर्नुहोस् । ९७०५०७८९१०
![g]kfnLx_sf]-dxfg-rf8-a8f-1792215839.jpg](https://thahatimes.com/public/images/news/2026-10-17/400/g]kfnLx_sf]-dxfg-rf8-a8f-1792215839.jpg)
