प्रदेश तीन सरकारले माध्यमिक तहको पढाइहुने प्रत्येक विद्यालयमा ‘एक विद्यालय एक नर्स’लागि यस बर्षबाट प्रदेश नं ३ अन्तर्गतका प्रत्येक स्थानिय तहमा एक जना नर्स करारमा लिने विज्ञापन गरेको छ ।
सामाजिक विकास मन्त्रालयले मंगलबार विज्ञापन प्रकाशित गरी १३ जिल्लाको प्रत्येक स्थानीय तहमा एक जना पुराउनका लागि एक सय एक जना नर्स करार सेवामा राख्नेगरी विज्ञापन खोलेको हो ।
जस अनुसार मकवानपुर–८, सिन्धुली–८, रामेछाप–७, दोलखा ८, सिन्धुपाल्चोक–१०, काभ्रेपलाञ्चोक १२, ललितपुर–५, भक्तपुर–३, काठमाडौं–९, नुवाकोट–१०, रसुवा –४, धादिङ–११, र चितवनमा ६ जना माग गरिएको हो ।
मकवानपुरमा थाहा नगरपालिका, इन्द्रसरोवर गाउँपालिका, कैलाश गाउँपालिका, राक्सिराङ् गाउँपालिका, मनहरी गाउँपालिका, भिमफेदी गाउँपालिका, मकवानपुरगढी गाउँपालिका, बागमती गाउँपालिका गरी ८ वटा स्थानीय तहमा प्रति स्थानीय तह १ जनाको दरले ८ जनाको लागि विज्ञापन गरेको छ ।
यस कार्यक्रममा सहभागि हुन इच्छुक उम्मेदवारले २१ दिन भित्र आवेदन दिनुपर्ने छ। यस सम्बन्धी विस्तृत सुचना सामाजिक विकास मन्त्रालय को वेवसाइट www.mosd.p3.gov.np मा हेर्न सकिनेछ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
