रुपन्देहीको रुद्रपुरमा जीप दुर्घटना भएको छ । हरैयाबाट फायरलाइनतर्फ जाँदै गरेको बा १५ च ९३८९ नम्बरको जिप अनियन्त्रित भई सडक किनारको सालको रुखमा ठोक्किँदा दुर्घटना भएको हो ।
उक्त दुर्घटनामा परी एक जनाको मृत्यु भएको छ भने ४ जना घाइते भएका छन् । मृत्यु हुनेमा जीपका चालक तिलोत्तमा ११ शिवपुरका ३८ वर्षीय सुरज खड्का रहेको जिल्ला प्रहरी कार्यालय रुपन्देहीले जनाएको छ ।
दुर्घटना परी गम्भीर घाइते भएका खड्काको उपचारको लागि लुम्बिनी प्रादेशिक अस्पताल बुटवलमा लगिएकोमा अस्पतालका चिकित्सकले मृत घोषणा गरेको प्रहरीले जनाएको छ ।
सो दुर्घटनामा परी अन्य चार जना घाइते भएका छन् । घाइते हुनेहरुमा जीपमा सवार बुटवल १० का नवीन कुमार थापा, तिलोत्तमाका यमबहादुर राना, सन्दिप श्रेष्ठ र सुवास क्षेत्री रहेका छन् । उनीहरुको सोही अस्पतालमा उपचार भइरहेको छ ।
सकेसम्म रोजगारीका लागि विदेश नजाऔं । जानै परे सीप सिकेर र सही सूचना लिएर मात्र जाऔं । श्रम, रोजगार, सीप तथा उद्यमशीलतासम्बन्धी सूचना, समाचार र विज्ञापनका लागि www.thahatimes.com लग अन गर्नुहोस् । ९७०५०७८९१०
![g]kfnLx_sf]-dxfg-rf8-a8f-1792215839.jpg](https://thahatimes.com/public/images/news/2026-10-17/400/g]kfnLx_sf]-dxfg-rf8-a8f-1792215839.jpg)
