आयोजक थाहा कला केन्द्रले आगामी ९ मंसिरबाट हुने थाहा फिल्म फेस्टिभलको साताव्यापी कार्यक्रम तालिका सार्वजनिक गरेको छ । ६ वटा नेपाली कथानक चलचित्र र अरु लघु चलचित्र तथा डकुमेन्ट्री प्रदर्शन गर्नेगरी मिडिया पार्टनर थाहाटाइम्स डटकमबाट कार्यक्रम तालिका सार्वजनिक गरिएको हो । तालिकामा जनाइए अनुसार फेस्टिभलमा डेसान, ऐना झ्यालको पुतली, बुलबुल, राधा, प्रकाश र आमाखाण्डो सहित लघु चलचित्र तथा वृत्तचित्रहरु प्रदर्शन गरिनेछ ।
आयोजकका अनुसार निःशुल्क पास लिएर हलमा प्रवेश गर्न सकिनेछ । प्रदर्शनी जेसीज हलमा हुनेछ । तालिका अनुसार पहिलो दिन उद्घाटनसँगै थाहा नगरपालिकाको पर्यटनसँग सम्बन्धित डकुमेन्ट्री प्रदर्शन गरिनेछ भने अन्तिम दिन विशेष सम्मान समारोहसहित समापन हुनेछ । बाँकी ५ दिन विहान ११ बजेदेखि ५ बजेसम्म कथानक चलचित्र र लघु चलचित्र तथा वृत्तचित्रहरु प्रदर्शन गरिने तालिका बनाइएको छ ।
हरेक दिन शुरुमा नेपाली कथानक चलचित्र प्रदर्शन गरिनेछ भने त्यसपछि लघु चत्रचित्र र वृत्तचित्रहरु प्रदर्शन गरिनेछ । छैठौं दिनमा शुरुमा र अन्त्यमा गरी दुईवटा कथानक चलचित्र प्रदर्शन हुनेछ ।
तालिका यस्तो रहेको छ :
पहिलो दिन ९ मंसिर
दोस्रो दिन १० मंसिर
तेस्रो दिन ११ मंसिर
चौंथो दिन १२ मंसिर
पाँचौँ दिन १३ मंसिर
छैठौं दिन १४ मंसिर
सातौँ दिन १५ मंसिर
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
