मकवानपुरको थाहा नगरपालिकाले गाउँ टोलमै पुगेर ज्येष्ठ नागरिकलाई स्वास्थ्य सेवा प्रदान गरेको छ । नगरपालिकाले आर्थिक वर्ष २०७५/०७६ को बजेटमै समावेश गरी यस्तो कार्यक्रम संचालन गरेको हो । ज्येष्ठ नागरिकहरुलाई सहज स्वास्थ्य सेवा प्रदान गर्ने उद्देश्यले स्वास्थ्य शिविर संचालन गरी उपचारमा सहज बनाइएको थाहा नगरपालिकाका सामाजिक विकास शाखा प्रमुख अनिल लामिछानेले बताए ।
नगरमा ९ फागुनमा एकैपल्ट तीन ठाउँमा संचालन भएको शिविरमा ८ सय ३७ जनाले स्वासथ्य परीक्षण गराएका छन् । शिविरमा तिलगंगा आँखा केन्द्र थाहा नगरपालिकाको स्थापनाको अवसरमा हेटौंडा सामुदायिक आँखा अस्पतालको प्राविधिक सहयोगमा नगरबासीहरुको निःशुल्क आँखा जाँच पनि गरिएको छ । थाहा नगरपालिकाको वडा नं. ६ बज्रवाराही, वडा नं. १० को टौखेल र वडा नं. ११ को नौखण्डेमा भएको शिविरमा ४ सय ५० जनाले आफ्नो विभिन्न रोगहरुको परीक्षण गराएका थिए भने सो ३ सय ८७ जनाले आँखा मात्र परीक्षण गराएका थाहा नगरपालिकाका स्वासथ्य शाखा प्रमुख मेघराज बलामीले जानकारी दिए ।
थाहाको बज्रवाराहीमा भएको शिविरमा डा. आशा श्रेष्ठ, टौखेलमा डा. प्रतिज्ञा भण्डारी र नौखण्डेमा डा. मोनिस्मा मल्लको नेतृत्वमा ज्येष्ठ नागरिकहरुको स्वासथ्य परीक्षण गरिएको थियो । नगरपालिकाको ज्येष्ठ नागरिक लक्षित कार्यक्रम अन्तर्गत भएको निःशुल्क स्वास्थ्य शिविर संचालन गरिएको हो ।
शिविरमा बज्रवाराहीमा १०, टौखेलमा ११ र टिष्टुङमा ७ गरी परीक्षणमा २८ जनामा मोतियाबिन्दु भेटिएको छ । उनीहरुको थाहानगर स्थित आँखा केन्द्रमा निःशुल्क अप्रेशन हुने हेटौंडा सामुदायिक आँखा अस्पतालका बरिष्ठ प्रशासकीय अधिकृत सुधीर श्रेष्ठले जानकारी दिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
