मकवानपुर थाहा नगरपालिकाको दुई स्थानमा पक्की पुल बन्ने प्रक्रिया अगाडी बढेको छ ।
थाहा नगरपालिकाको वडा नम्बर २ र ३ लाई जोड्ने भुङ्दल र इन्द्रायणी चौर नजिकैको सतिघाटमा पक्की पुल बन्न लागेको हो । थाहा नगरपालिकाको दुई स्थानमा पक्की पुल निर्माणको लागि पूर्वाधार विकास कार्यालय प्रदेश–३ चितवले ठेक्का प्रक्रिया अगाडी बढाइएपछि अब पुल बन्ने सुनिश्चित भएको थाहा नगरपालिकाका प्रमुख लबशेर बिष्टले बताए ।
थाहा नगरपालिकाको यि दुई स्थानमा पक्की पुल बनेपछिसाबिकको दामन र पालुङलाई जोड्ने गरि बाह्रै महिना सहज रुपमा यातायात आवागमन हुने प्रमुख विष्टले जानकारी दिए । अहिले ति स्थानमा रहेका अस्थाई कजवे वर्षेनी बाढीले बगाउदा वर्षाको समयमा यातायात आवत जावतमा कठिन भएपछि कृषि उपजहरु बजारसम्म पु¥याउन कठीन हुँदै आएको थियो ।
यसैबीच थाहा नगरपालिका ३ अन्तर्गत घर्तीखोलाको मभिर खोला र ५ तसर स्थीत ढोक्चा गरि २ स्थानमा पुल निर्माणको लागत ईष्टिमेट भई प्रक्रिया अगाडी बढिसकेको जानकारी दिदै मेयर विष्टले यसै आर्थिक वर्षभित्र भित्रै टेण्डर प्रक्रियामा जाने बताए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
