मकवानपुरको पालुङमा मध्यकालदेखि नै प्रचलनमा रहेको ३ वर्षे इन्द्राायणी जात्रा २६ मंसिरबाट शुरु भएको छ । मंसिर शुक्ल पूर्णिमा अर्थात् यही मंसिर २६ गतेबाट थाहा नगरपालिकाको इन्द्रायणी चौरमा हुने ३ दिने जात्रा शुरु भएको हो ।
जात्राकोल शुरु दिन २६ मंसिरमा ५ वटा रथ नचाइएको छ । पालुङ शहरबाट इन्द्रायणी, कुमारी, काला भैरब, गणेश तथा गोपाली गाउँबाट सेति गणेशको रथ नचाइएको हो । २६ मंसिर अपरान्ह दुबै गाउँबाट लगिएको रथ चौरमा नचाएर मन्दिरमै राखिएको छ । २७ मंसिर दिनभर पुजा गरेपछि २८ मंसिरमा पुनः रथ फर्काउने कार्यक्रम रहेको श्यामभक्त श्रेष्ठले जानकारी दिए ।
इन्द्रायणी भगवति कालाभैरव गुठी संरक्षण समितिको व्यवस्थापनमा हुँदै आएको इन्द्रायणी जात्राको अवसरमा पहिलो दिन इन्द्रायणी माइको थानमा रथ लैजाने, दोस्रो दिन मुख्य पूजा र तेस्रो दिन रथ फर्काउने चलन रहेको छ । मेला अवधिमा थाहा नगरपालिका–२ का देउला समुदाय र नेवार समुदायले दिनरात नै पुजा गर्ने गर्दछन् ।
इन्द्रायणी माइ थानमा राती पञ्चबली सहित तान्त्रिक विधिबाट पुजा हुने गर्दछ । जात्रामा पाटनबाट आएका तान्त्रिक कर्माचार्यहरुले विशेष पूजाआजा गर्ने गर्दछन् ।
फोटो फिचर:
विष्ट, थाहा टाइम्स डटकममा आवद्ध फोटो पत्रकार हुन् ।
