मकवानपुरको थाहा नगरपालिकाको शिखरकोटमा कृष्णअष्टमी अवसरमा घैटो फुटाउने प्रतियोगिता सम्पन्न भएको छ । हरेक वर्ष कृष्णाष्टमीको भोलिपल्ट आयोजना हुने प्रतियोगितामा यस वर्ष आग्राको युवा समूह प्रथम भएको छ ।
शिखर क्लबको आयोजनामा ३१ साउनमा भएको प्रतियोगितामा पाथीभरा युवा समूह द्वितीय र आग्राको युवा समूह तृतीय भएको क्लबका अध्यक्ष अनित केसीले जानकारी दिए । प्रतियोगितामा प्रथम, द्वितीय र तृतीय भएका टिमलाई क्रमशः सात हजार पाँचसय, पाँच हजार र तीन हजार रुपियाँ नगद पुरस्कार वितरण गरिएको थियो ।
प्रतियोगिताको लागि तीन दिन्दाभिन्दै स्थानमा घैटो झुण्ड्याइएको थियो । प्रतियोगितामा थाहानगरका चार टिमको सहभागिता रहेको थियो ।
मेलामा थाहानगर सहित मकवानपुरका इन्द्रसरोवर, भीमफेदी र कैलाश गाउँपालिका तथा धादिङका समेत दर्शकहरु आएका थिए ।
तस्वीरहरु: गणेश प्रसाद विष्ट/थाहानगर
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
