मकवानपुर थाहा नगरपालिकाको आर्थिक वर्ष २०७७÷०७८ को बजेट सर्वसम्मत पास भएको छ । १९ असारमा थाहा नगरपालिकाको सातौं नगरसभामा उपप्रमुख खड्ग गोपालीले प्रेश गरेको बजेट सर्वसम्मत पास भएको हो । नगरपालिकाले ८५ करोड ४६ लाख ३३ हजार रुपियाँको बजेट पास गरेको छ ।
नगरसभामा उपप्रमुख गोपालीले पेश गरेको बजेट माथि छलफल भएपछि ‘आर्थिक वर्ष २०७७÷०७८ को बजेट पास गरियोस’–भनी नगर प्रमुख लवशेर विष्टको प्रस्तावलाई सभाले ध्वनीकतका साथ पास भएको हो ।
आगामी आर्थिक वर्षको नीति तथा कार्यक्रम भने १० असारमै पास भएको थियो । नगरपालिकाले कूल विनियोजनमध्ये चालुतर्फ ८ करोड ८४ लाख ६७ हजार अर्थात १०.३५ प्रतिशत र पूँजीगततर्फ ७६ करोड ६१ लाख ६६ हजार अर्थात ८९.६४ प्रतिशत रहेको छ ।
अनुमान गरिएका खर्च व्यहोर्ने स्रोत मध्ये वित्तिय समानीकरण संघ १३ करोड ६ लाख रुपियाँँ, वित्तिय समानिकरण प्रदेशबाट रु १ करोड २ लाख ९६ हजार, राजश्व बाँडफाँड संघबाट ९ करोड ८८ लाख ८४ हजार रुपियाँ, राजश्व बाँडफाँड प्रदेशबाट ४ करोड ४८ लाख ३६ हजार रुपियाँ, संघीय समपुरकबाट २ करोड रुपियाँ, प्रदेश समपुरकबाट २ करोड ९९ लाख ८७ हजार रुपियाँ, प्रदेश विशेष अनुदान ५० लाख रुपियाँ, सामाजिक सुरक्षा १० करोड, सशर्त अनुदान संघबाट २५ करोड १५ लाख रुपियाँ, सशर्त अनुदान प्रदेशबाट २ करोड २९ लाख ७० हजार रुपियाँ, नगरपालिकाको आन्तरिक स्रोतबाट १० करोड १५ लाख ६० हजार र अन्य सरकारी अनुदानबाट ४ करोड रुपियाँप्राप्त हुने अनुमान छ।
थाहा नगरपालिकाको सातौं नगरसभामा बजेट, योजना तथा कार्यक्रमले थाहानगरको विकासमा उल्लेखनीय योगदान गरी विकासतर्फ लम्किनेछ उपप्रमुख खड्ग गोपालीले आशा व्यक्त गरेका छन् । विनियोजित बजेटलाई सबै नगरसभाका सदस्यहरुले समयमै कार्यान्वयन गर्न सक्रिय सहभागिता र सहयोग हुने उनको विश्वास छ ।
आर्थिक विकास र गरिवी निवारणमा प्रत्यक्ष योगदान पु¥याउने योजनाहरुलाई प्राथमिकतामा राखेको बजेट भाषणमा उल्लेख छ । त्यस्तै उत्पादनमूलक र छिटो प्रतिफल दिने, ठुला आयोजनाहरुको हकमा बढिमा २ वर्ष भित्र सम्पन्न हुने योजनाहरुलाई बजेट तथा कार्यक्रममा समावेश गरिएको उल्लेख छ । राजस्व परिचालनमा योगदान पु¥याउने,सेवा प्रवाह, संस्थागत विकास र सुशासनमा योगदान पु¥याउने,स्थानीय श्रोत साधनमा आधारित भई जनसहभागिता अभिवृद्धि गर्ने नीति सहित बजेट विनियोजन गरेको उपप्रमुख गोपालीको बजेट भाषणमा उल्लेख छ ।
बजेट तथा कार्यक्रम निर्धारण गर्दा लैङ्गिक समानता, सामाजिक समावेशीकरणको अभिवृद्धि हुने, दिगो विकास, वातावरण संरक्षण र विपद व्यवस्थापनमा योगदान पु¥याउने योजनाहरुलाई समावेश गरेको जनाइएको छ । समुदायलाई विपद तथा जलवायु परिवर्तन उत्थानशिल बनाउने, स्थान विशेषको संस्कृति र पहिचान प्रवर्द्धन गर्ने र थाहा नगरपालिकाले आवश्यक ठानेको नतिजामुखी कार्यक्रमहरुलाई बजेट विनियोजन गरिएको बजेट भाषणमा उल्लेख गरिएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
