मकवानपुरको थाहानगर स्थित इन्द्रायणी चौरमा तीनवर्षे मेला संचालन भइरहेको दोस्रो दिन २९ मंसीरमा मुख्य पुजा संचालन भइरहेको छ । स्थानीय देउला र नेवार समुदायको ऐतिहासिक सम्बन्ध गाँसिएको किम्वदन्ती रहेको मेला २८ मंसीरबाट लगातार तीन दिनसम्म संचालन हुनेछ ।
मेलाको पहिलो दिन २८ मंसीरमा इन्द्रायणीचौरमा रथ ल्याई राखिएको छ। चौरमा पालुङ शहरको कुमारी, इन्द्रायणी, कुमारी, कालाभैरव, र सेति गणेश तथा गोपाली गाउँको सेती गणेशको रथारोहण गरिएको थियो ।२९ मंसीरमा मुख्य पुजा, तेस्रो दिन ३० मंसीरमा रथ उठाउने तान्त्रीक विधि सहितको पुजा हुने गर्दछ ।
२९ मंसीर विहानैबाट बाटो नाप्ने चलन छ । बाटो नाप्ने कार्यलाई मेलाको आकर्षणको रुपमा लिने गरिन्छ । साहसिलो व्यक्तिले यो कार्य गर्न सक्छन् भन्ने विश्वास रँदै आएको छ । यद्यपी नेवार र देउला समुदायले भने यो कार्य गर्दैनन् । यो धार्मिक कार्य अन्य समुदायले मात्र गर्दै आएको जनविश्वास छ ।
-हेर्नुहोस् फोटो फिचर
कार्की यस अनलाइनका डेस्क सम्पादक हुन् । उनी फोटो पत्रकार हुन् ।
