प्रधानमन्त्री कृषि आधुनिकीकरण परियोजना, परियोजना कार्यान्वयन इकाई तरकारी जोन पालुङका दुईजना कर्मचारीको विदाइ गरिएको छ ।
जोनमा कार्यरत् कृषि प्राविधिकहरु बालकुमारी भट्टराई समायोजन भई थाहा नगरपालिकामा र गोपाल लम्साल मकवानपुरगढी गाउँपालिकामा जानुहुने भएपछि विदाई गरिएको हो । जोन कार्यालय शिखरकोटमा १० साउनमा एक समारोहकाबीच जोन व्यवस्थापन समितिका अध्यक्ष सुदर्शन विष्टको विशेष उपस्थितीमा विदाई गरिएको हो। जोनका कार्यलय प्रमुख सुजन अम्गाई सहितको टोलीले विदाई हुने कर्मचारीलाई मायाँको चीनो प्रदान गरेका थिए ।
कार्यक्रममा समायोजन भई गएका कर्मचारीको सफलताको शुभकामना व्यक्त गरेका थिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
